کراچی ۔30اپریل(اے پی پی) وفاقی وزیر خزانہ سینیٹر محمد اورنگزیب آکھیے ج?? پاکستان سنجیدہ ڈھانچہ جاتی اصلاحات تے عمل درآمد کیتے تاں اے عالمی مالیاتی فنڈ (آئی ایم ایف) نال ملک دا آخری پروگرام ہوسی۔ کراچی اچ ایف پی سی سی آئی تے بجٹ سیمینار توں خطاب کریندے انہاں آکھیے ملک اچ معاشی استحکام آ چکے تے ہݨ ویلھا اے جو ایں ??ستحکام ??وں دیرپا بݨایا ونڄے۔انہاں آکھیے پاکستان اچ زرمبادلہ دے ذخیرے مستحکم تھی چکئن ، جاری کھاتے اچ فاضل موجود اے اتے مہانگ دی شرح اچ وی کمی آئی اے ۔ انہاں موجب پالیسی ریٹ اچ 1000 بیسز پوائنٹس دی کمی تھئی اے تے ج??ڑھا جو صنعتاں دی فنانسنگ لاگت اچ کمی دا باعث بݨی اے ۔محمد اورنگزیب آکھیے پاکستان دی معیشت ??وں مستحکم تے خود کفیل بݨاوݨ سانڳے ٹیکس ریونیو اچ ودھارا ضروری اے ۔ انہاں آکھیے 24 کروڑ دی آبادی سانڳے صرف 30 توں 40 لکھ ٹیکس دہندگان کافی کائنی، ہر شعبے ??وں معیشت اچ آپݨا کردار نبھاوݨا ہوسی ، حکومت ٹیکس اتھارٹی اچ اصلاحات گھن آندی پئی اے جتھاں انسانی مداخلت گھٹ کرتے ڈیجیٹل نظام متعارف کرایا ویندا پئے تاں جو ٹیکس دہندگان ??وں ہراسانی توں بچایا ونڄ سڳے ۔ انہاں آکھیے تنخواہ دار طبقے سانڳے ٹیکس ریٹرن فارم ??وں سوکھا بݨایا ویندا پئے ، جئیں ??وں 9 توں 10 خانیں ??ے مشتمل کرݙتا ویسی ۔وزیر خزانہ آکھیے کابینہ جنوری اچ منظور کیتا ہئی جو ٹیکس پالیسی آفس ??وں ایف بی آر توں انڄ کرتے براہ راست وزارت خزانہ دے ماتحت کر ݙتا ویسی ۔ ہݨ ایف بی آر صرف ٹیکس کلیکشن تے فوکس کریسی جݙاں جو پالیسی سازی ٹیکس پالیسی آفس دی ذمہ واری ہوسی۔ ایں ??قدام دا مقصد پالیسی اچ تسلسل اتے شفافیت یقینی بݨاوݨ اے ۔محمد اورنگزیب آکھیے حکومت 24 سرکاری اداریں ??ی نجکاری دا فیصلہ کیتے اتے ایں ??مل ??وں تکھا کیتا ویندا پئے ۔پی آئی اے دی نجکاری دے عمل دا ول آغاز تھیوݨ دی تصدیق کیتی تے ݙسائے کجھ وزارتاں ??وں ضم یا ختم کرݙتا ویسی تاں جو حکومتی خرچہ گھٹ تھیوے ، انہاں آکھیے معدنیات تے آئی ٹی ݙو ایجھے شعبے ہن جیڑھے پاکستان دی معیشت سانڳے گیم چینجر ثابت تھی سڳدن۔ ریکوڈک منصوبے دا فنانشل کلوز مکمل تھی چکے تے دنیا اچ تانبے دی ودھدی ہوئی طلب اچ پاکستان اہم کردار ادا کرݨ سانڳے تیار اے۔وزیر خزانہ آکھیے حکومت ایں واری جنوری دے اختتام تے ہی چیمبرز اتے بزنس کمیونٹی توں بجٹ تجویزاں منگ ڳھدیاں ہن انہاں تے آزاد تجزیہ کاراں دی مدد نال تفصیل نال غور کیتا ڳئے انہاں یقین ݙیوائے جو انہاں تجویزاں ??وں نظر انداز نہ کیتا ویسی ۔ انہاں آکھیے آئی ٹی ایکسپورٹس ??وں 8 توں 10 ارب ڈالر تئیں گھن ونڄݨ دا ہدف اے جݙاں جو گاݙیاں تے کھیر دی برآمد دا عمل وی شروع تھی چکے اڄ ہی گاݙیاں دی ھک کھیپ سعودی عرب بھیجی ڳئی اے۔وزیر خزانہ آکھیے آئی ایم ایف دا اے پروگرام پاکستان دا چھیکڑی تھی سڳدے ، لیکن ایں ??انڳے ضروری اے جو ڈھانچہ جاتی اصلاحات، ٹیکس اصلاحات، ادارہ جاتی تبدیلیاں تے نجکاری جیھے اقدامات تے سنجیدگی نال عمل کیتا ونڄے ۔ انہاں آکھیے حکومت کاروبار دوست پالیسیاں دے ذریعے نجی شعبے ??وں معیشت دا انجݨ بݨاوݨ چاہندی اے ۔بزنس کمیونٹی توں خطاب کریندے انہاں آکھیے امریکا توں کل ہی پاکستان پُڄاں، ھک ہفتے اچ 70 توں ودھ ملاقاتاں کیتیاں ڳئن ملٹی لٹرل پارٹنرز عالمی مالیاتی اداریں دے نمائندیں دے علاوہ دوست ملکاں دے نمائندیں نال ملاقاتاں تھئن ، امریکا دے سینئر انتظامی عہدیداران نال ملاقاتاں تھئن ، چین، برطانیہ ، سعودی عرب اتے متحدہ عرب امارات دے نمائندیں نال ملاقاتاں تھئن ، معاشی استحکام دی مثال نی ملدی ، زرمبادلہ دا استحکام آئے ،ٻہوں عرصے بعد جاری کھاتا پورے سال دا فاضل ہوسی ، فسکل سائیڈ تے وی توازن ا ٓچکے، فسکل سرپلس اچ صوبیں ??ی کردار نبھائے۔ وزیر خزانہ آکھیے افراط زر اچ کمی وی کامیابی دی کہانی اے، پالیسی ریٹ اچ ھک ہزار20 پوائنٹس کمی آ چکی، امریکا اچ تھیوݨ آلی ملاقاتاں اچ معاشی استحکام تے ڳالھ تھئی جیں ??چ ہر کہیں ??اݙی کارکردگی دی تعریف کیتی ۔محمد اورنگزیب آکھیے 8/9 سال اچ معیشت ??وں لہہ چڑھ دا سامݨا کرݨا پئے کوئی اجہ اے جو آئی ایم ایف دے 28 ویں پروگرام اچ ہیسے سرمایہ کاری اتے ایکسپورٹ تے توجہ نی رہی ، اساں درآمدات اتے کھپت تے مبنی نمو دے پاسے ویندوں زرمبادلہ ذخیرے تے دباؤ پوندے تے ول قرض دے پاسے ونڄݨا پوندے ، وزیر اعظم سودھے ساریں ??ا عزم اے جو آئی ایم ایف دا آخری پروگرام ہوسی۔انہاں آکھیے ٹیکس ٹو جی ڈی پی دا تناسب ایں ??ال 10.6 فیصد تے ول 13 فیصد تے گھن آیا ویسی ، ٹیکس اتھارٹیز ??وں ٹرانسفارم کریندے پیوں ، ٹیکس گزار اتھارٹیز نال ڈیل نی کرݨ چاہندے اے ڳالھ وی دیرپا نی تھی سڳدی کیوں جو ساݙے ملک دی آبادی دا حجم زیادہ اے۔انھاں آکھیے ٹیکس گزاراں دا ٹیکس اتھارٹیز تے اعتماد ودھاوݨ تے پراسیس ??وں سوکھا بݨاوݨا ہوسی، اینڈ ٹو اینڈ ڈیجیٹلایزیشن دی ک??شش اے، انسانی مداخلت ??وں گھٹ توں گٹ کرݨ چاہندوں ۔ انہاں آکھیے تنخواہ دار طبقہ سانڳے ٹیکس ??وں سوکھا بݨایا ویسی ، 70/80 فیصد تنخواہ دار دا ٹیکس ایٹ سورس کٹ ویندے ایں دے باوجود انہاں ??وں ٹیکس فارم بھرݨے پوندن تے ٹیکس وکیلاں نال رجوع کرݨا پوندے ، تنخواہ دار طبقہ سانڳے ک??شش اے 9/10 فیلڈز تے مشتمل فارم سوکھیں ??ھرن ، تنخواہ دار گھرٻہہ تے اپݨے ریٹرنز بھر سڳسن ، توانائی ٹیرف اچ کمی چنڳاں اقدام اے جولائی اچ مزید کمی تھیسی۔انہاں آکھیے فنانسنگ دی لاگت انڈسٹری دا مسئلہ رہیا، شرح سود اچ کمی توں اے مسئلہ گھٹ تھئے ، توانائی ??وں سستا کرݨ سانڳے صحیح پاسے ٹردے پیوں ، انڈسٹری دے مسئلے حض کریسوں ایں واری بجٹ تجاویز جنوری دے چھیکڑ تے ہی ایسوسی ایشن چیمبرز توں منگ ڳھدیاں ہن۔
