لاہور۔14نومبر(اے پی پی) گورنر پنجا ب محمد بلیغ الرحمن آکھیے اسلامی طرز زندگی اپنا تے ذیابیطس سودھے ٻئے مر ض توں بچیا ونڄ سڳدے ،روزہ بیماریاں دے خلاف ڈھال اے،ذیابیطس توں بچݨ کیتے آگاہی مہم ??کھ?? کرݨ دی لوڑھ اے ، وختی تشخیص نال ایں مرض توں بچݨ ممکن اے ،ایں سلسلے اچ میڈیا کوں اپݨا ب??رپ??ر کردار ادا کرݨا ہوسی ،حکومت عوام کوں صحت دیاں بنیادی سہولتاں ݙیوݨ کیتے سارے وسائل بروئے کار گھن آندی پئی اے ۔ اے ڳالھ انہاں منڳل دے ݙینھ گورنر ہائوس لاہور اچ ذیابیطس دے جڳ ݙیھاڑ تے پاکستان انڈو کرائن سوسائٹی تے پاکستان سوسائٹی آف انٹرنل میڈیسن دی سانجھ نال منعقدہ تقریب اچ بطور مہمان خصوصی شرکت اچ کیتی ۔ایں موقع تے صوبائی وزیر صحت ڈاکٹر جاوید اکرم،پرنسپل پوسٹ گریجوایٹ میڈیکل انسٹی ٹیوٹ پروفیسر ڈاکٹر فریدالظفر،صدرانڈوکرائن سوسائٹی ڈاکٹر عباس رضا، پروفیسر ڈاکٹر عزیزالرحمن، پروفیسر ڈاکٹر ساجد عبداللہ ، ڈاکٹر طارق وسیم پروفیسر ڈاکٹر اکمل فیض بھٹی،ڈاکٹر ثمینہ اقتدار ،ڈاکٹر وفا قیصر،مختلف مکتبہ فکر دے لوک ،سول سوسائٹی دے ممبران،مقامی و بین الاقوامی فارما سوٹیکل کمپنیاں دے نمائندگان،طلبہ و طالبات اتے شعبہ طب نال دلچسپی رکھݨ آلے لوکاں سودھے شہریاں دی وݙی تعداد موجود ہئی ۔گورنرپنجاب آکھیے ماہرین دا آکھݨ اے جو پاکستان اچ ذیابیطس دے مریضاں دی تعداد تشویش ناک حد تئیں ودھارا تھیندا پئے ایں موذی مرض توں جند چھڑاوݨ کیتے اساکوں آپݨا طرز زندگی بدلݨ،سادہ غذا دا استعمال اتے ایکسر سائز کوں معمول بݨاوݨا ہ??سی??
