اسلام آباد۔17فروری(اے پی پی)وفاقی وزیر اطلاعات، نشریات، قومی ورثہ و ثقافت عطااللہ تارڑ آکھیے جو انسانی سمگلرز کہیں رعایت دے مستحق کائنی، انسانی سمگلنگ مکائے بغیر آرام نال نا ٻہسوں، انسانی سمگلراں دے خلاف گھیرا تنگ کر ݙتے۔ قومی اسمبلی اجلاس اچ وقفہ سوالاں ویلھے الیندے وفاقی وزیر اطلاعات آکھیا جو گوجرانوالہ، سیالکوٹ، منڈی بہائوالدین اتے گجرات اچ انسانی سمگلنگ دے ودھ مسائل ہیں، یونان، مراکش اتے لیبیا اچ تھیوݨ آلے افسوسناک واقعیاں دے بعد اڄ ؤی ٻہوں لوک اپݨے پیاراں دیاں میتاں دی تانڳھ اچ ہین، وزیراعظم انسانی سمگلنگ دے واقعات دا سخت نوٹس ڳھدے، ایں سانڳے قانون سازی وی تھیندی پئی اے، ہݨ تئیں 436 انسانی سمگلر پکڑین، انہاں دیاں جائیداداں ضبط کیتاں وینداں پن، ، ہر صورت ساکوں انسانی سمگلنگ دی حوصلہ شکنی کرݨی چاہیدی اے جو ایں مسالہ تے پوری قوم کوں ݙکھ اے، انسانی سمگلراں کوں ہݨ لکݨ دی کتھائیں ڄاہ نا لٻھسی۔ وفاقی وزیر آکھیا جو معاملے بارے سپیشل پراسیکیوٹرز مقرر کیتے، انسانی سمگلراں کوں ض??ور سزا ملسی، ایں سانڳے قوم کوں شعور ݙیوݨا ہوسی جو او انسانی سمگلنگ روکݨ اتے غیر قانونی طریقے نال بیرون ممالک ونڄݨ دی حوصلہ شکنی کرن۔ وفاقی وزیر آکھیا جو اوورسیز پاکستانیز ملک اچ ریکارڈ ترسیلات بھیڄن اتے ایندے اچ 32 فیصد ودھارا تھئے، پاسپورٹ اتے شناختی کارڈز بلاک کرݨ دا بنیادی مقصد غیر قانونی طریقے نال بیرون ملک ونڄݨ آلیاں دی حوصلہ شکنی کرݨ اے۔ ہک سوال تے وفاقی وزیر اطلاعات آکھیے جو ایف آئی اے اچ اینٹی ہیومن ٹریفکنگ سیل فعال کیتے، نویں افس??ان لائن، جیڑھے اضلاع اچ اے جرم ودھ اے اتھاں انٹیلی جنس بیسڈ آپریشنز وی تھیندے پن، نویں قانون سازی اچ انسانی سمگلنگ کوں ناقابل ??ما??ت جرم ٻݨآیا ڳئے، عمر قید دی وی تجویز اے، اے کاروبار وݙا ظالمانہ اتے غیر انسانی اے، ایں سانڳے قانون اچ سخت سزائیں دا تعین کیتا گئے۔ انہاں آکھیا جو کرپٹ افس??ان دے خلاف کارروائی یقینی ٻݨائی گئی اے، 34 افس??ان نوکر توں فارغ کیتے ڳن، انہاں دے کیسز دا ہک مہینے اچ فیصلہ تھیسی اتے سخت کارروائی کیتی ویسی، اڄ دی قانون سازی اچ سارے سخت اقدامات شامل ہین۔
